टीकापुर, साउन ४
टीकापुर उद्योग वाणिज्य संघको २६ औं वार्षिक साधारण सभा २०८२ भदौ १५ गते हुने भएको छ । 

कार्यवाहक अध्यक्ष सन्तोष खड्काको अध्यक्षतामा आइतवार बसेको संघको कार्य समिति बैठकले साधारण सभाको मिति तय गरेको छ । यो संघको ११ औं चुनावी साधारण सभा समेत हो । 

बैठकले सदस्यता नविकरणको मिति २०८२ साउन २५ गतेसम्म तोकेको छ । यो मिति भित्र सदस्यता नविकरण गर्नुपर्नेमा नियमित नविकरण भैरहेका फर्मधनीहरु हुन ।

संघको आगामी बैठक साउन १६ गते बस्ने महासचिव नवराज रिमालले जानकारी दिए । उनले सोही बैठकले निर्वाचन कमिटीको गठन लगायतका निर्णय गर्ने बताए । 

उनका अनुसार निर्वाचन कमिटी गठन भएसँगै वार्षिक साधारण सभा र निर्वाचन प्रकृयाका कामहरु सँगै अघि बढ्नेछन ।