सुखड, साउन ७
बजाज कम्पनीले नागरिकताका आधारमा मोटरसाइकल उपलब्ध गराउने अफर ल्याएको छ । कैलालीको सुखडमा सञ्चालित बजाज साटासाट अफरबाट समेत यस्तो अफर उपलब्ध भैरहेको छ ।
बजाज कम्पनीका आधिकारिक बिक्रेताद्वय जैमनी अटोमोटिभ्स टीकापुर र रुद्र अटो अत्तरीयाको डिलरले संयुक्त आयोजना गरेको अफर साउन ५ देखी १० गतेसम्म सञ्चालन हुनेछ । सो अफरमा सर्वसाधारणको उल्लेख्य सहभागिता रहेको छ ।
सो अवसरमा सर्वसाधारणले नागरिकताको आधारमा मात्र बजाजको बाइक फाइनान्स गर्न सक्ने जैमनी अटोमोटिभ्स टीकापुरका सञ्चालन कृष्णप्रसाद बजगाईले जानकारी दिएका छन ।
उनका अनुसार सो अवसरमा शून्य सर्भिस चार्ज, अन द स्पट फाइनान्स, थप १० हजार रुपैयाँ अतिरिक्त भ्यालुएसन, निःशुल्क एसेसरिज र आर्कषक छुट सहितको योजना ल्याएको छ ।
अफर सञ्चालन भैरहेको ठाउँमा ग्राहकहरूको पुरानो बाइकको उचित र उच्चतम मूल्यांकन गर्न विशेष भ्यालुएटरहरू समेत उपलब्ध रहेका छन । यी अनुभवी भ्यालुएटरहरूले ग्राहकहरूको बाइकको न्यायोचित मूल्यांकन गरी कम्पनीको तर्फबाट थप १० हजार रुपैयाँ सम्मको बोनस भ्यालुएसन ग्राहकहरुले पाउने रुद्र अटो अत्तरीयाका सञ्चालक गिरीराज भट्टले जानकारी दिए ।
यसअघि मोटरसाइकल खरिद गर्दा हुने झन्झटिलो प्रक्रियालाई मध्यनजर गदै बजाज कम्पनीले ग्राहकको सुविधालाई ध्यानमा राखेर यस्तो अफर सञ्चालन गरेको हो । किस्ताबन्दीमा किन्न चाहने ग्राहकले १ घण्टाभित्रै लोन पास गरेर एचएफएल (हुलास फिन सर्भ) लिमिटेडका मार्फत यो सुविधा पाउने समेत बताइएको छ । एचएफएल (हुलास फिन सर्भ) लिमिटेडका रिजनल अफिसर तारा जैशीले लोन उपलब्ध गराउन कुनै झण्झटिलो प्रकृया नभएको जानकारी दिए ।
नेपालका लागि आधिकारिक वितरक हंसराज हुलासचन्द एन्ड कम्पनी प्रालिले सञ्चालन गरेको यो साटासाट अफर योजना बृहत कार्यक्रम रहेको कम्पनीका हेड अफ सेल्स जनार्दन निरौलाले जानकारी दिएका छन । पछिल्लो समय बजाज कम्पनीका मोटरसाइकल प्रति युवाहरुको आकर्षण बढ्दै गएको पाईन्छ ।
