टीकापुर, साउन २३
कैलालीको टीकापुरस्थित टीकापुर साना शहरी खानेपानी उपभोक्ता तथा सरसफाई संस्थामा निर्वाचन साउन ३० गते हुने भएको छ । संस्थाको निर्वाचन उपसमितिद्धारा जारी निर्वाचन कार्यतालिका अनुसार साउन ३० गते निर्वाचन हुने भएको हो । 

निर्वाचन उपसमितिका संयोजक श्यामराज पाण्डेयले जानकारी दिएको जानकारी अनुसार साउन २५ गते उम्मेदवारी दर्ता हुनेछ भने साउन ३० गते विहान ८ बजेदेखि टीकापुर सिटी हलमा मतदान हुनेछ । 

६ हजार ७ शय ३४ सदस्यहरुले निर्वाचन प्रक्रियामा भाग लिन पाउनेछन् भने निर्वाचन समितिले साउन २१ गतेदेखि निर्वाचनका कार्यक्रमहरु शुरु भइसकेको जनाएको छ । 

अगामी तीन वर्षे कार्यकालका लागि अध्यक्षमा वर्तमान कार्यसमितिका उपाध्यक्ष सिर्जना शर्मा पण्डित, कोषाध्यक्ष बिश्राम चौधरी, सदस्यद्वय खडग धामी र सरिता रावल थापा चुनावी मैदानमा उत्रिएका छन् । 

टीकापुर नगरपालिका वडा नं. १, २, ४ र ५ मा खानेपानी सुविधा पुर्याउँदै आएको संस्थाको नेतृत्व हात पार्न उम्मेदवारहरु कसरतमा लागेका हुन् ।