टीकापुर, साउन २५
कैलालीको टीकापुरस्थित टीकापुर साना शहरी खानेपानी उपभोक्ता तथा सरसफाई संस्थाको अध्यक्षका लागि चार जनाले उम्मेदवारी दर्ता गरेका छन् ।साउन ३० गते हुने निर्वाचनमा अध्यक्ष पदका लागि खड्ग धामी, सिर्जना शर्मा पण्डित, विश्राम थारु र सरिता रावल थापाको उम्मेदवारी परेको छ ।  

एक जना महिला उपाध्यक्षका लागि सीतादेवी चौधरी, गोमा घर्तीमगर र मगनी चौधरीको उम्मेदवारी दर्ता भएको छ । निर्वाचन समितिद्धारा प्रकाशित उम्मेदवारहरुको सूचि अनुसार सचिवमा पाँच जनाको उम्मेदवारी परेको छ ।

सचिवका लागि अम्मरसिंह रावल, मञ्जित सिंह रावल, खगेन्द्र रिमाल, मनिष बलायर र प्रकाश खड्काको उम्मेदवारी परेको छ । त्यस्तै कोषाध्यक्ष पदका लागि हिरासिंह विष्ट, सुमनकुमार न्यौपाने, गोपालबहादुर थापा, बलबहादुर विश्वकर्माको उम्मेदवारी परेको छ । 

तीन जना खुल्ला सदस्यका लागि तेजे ठकुल्ला, सुन्दर चौधरी, डम्बरबहादुर नायक, केबलसिंह जनाला, वृन्दा कुमारी बराल, पतिराम थारु, जगदिश प्रसाद भण्डारी, लोक बहादुर बुढा क्षेत्री, मनिराम डगौरा थारु, शंकर बहादुर लोहार, बमबहादुर ओली, काशीराम कार्की, मेगेन्द्र बहादुर बोगटी र मेघराज जोशीको उम्मेदवारी परेको छ । 

त्यस्तै दुई महिला सदस्यका लागि आठ जनाको उम्मेदवारी परेको छ । महिला सदस्यका लागि जानकी आचार्य, माया सुनार, दिलु घर्तीमगर, लक्ष्मी चौधरी, उर्मिला चौधरी, पार्वती कुमारी चौधरी, जाल्पा भट्टराई र सोनम कुमारी शाहीको उम्मेदवारी परेको हो । 

टीकापुर नगरपालिका वडा नं. १, २, ३, ४ र ५ मा खानेपानी सुविधा पुर्याउँदै आएको संस्थाको निर्वाचनमा ६ हजार ९ शय ४० सदस्यहरुले निर्वाचन प्रक्रियामा भाग लिन पाउनेछन् ।