Hamro Patra
बसको ठक्करबाट एकको मृत्यु: एक घाइते

टीकापुर, साउन २७

टीकापुरस्थित इलाका प्रहरी कार्यालय नजिकै यात्रुबाहक बसले ठक्कर दिँदा एकजनाको ज्यान गएको छ भने अर्का एकजना घाईते भएका छन । 

प्रहरीका अनुसार टीकापुर बसपार्कबाट लम्कीतर्फ गैरहेको सुप प्र ०१–००१–ख ३५८३ नम्बरको बसले मंगलवार (आज) बिहान ९ बजेतिर साइकल र मोटरसाइकल यात्रीलाई ठक्कर दिएको हो । 

उनीहरु मध्ये साइकल यात्रीको दुर्घटनामा ज्यान गएको छ । इलाका प्रहरी कार्यालय टीकापुरका डिएसपी नविन राजा बुढाथोकीले मृतकको पहिचान खुल्न नसकेको जानकारी दिए । उनका अनुसार मृतक ४०÷४५ वर्ष उमेरका छन । 

प्रत्यक्षदर्शीका अनुसार बसले पहिले साइकल यात्रीलाई ठक्कर दिएको थियो भने पछि मोटरसाइकललाई ठक्कर दिएको थियो ।

बसको ठक्करबाट सुप प्र ०१–१२–प १८६९ नम्बरको मोटरसाइकल चालक टीकापुर नगरपालिका वडा नम्बर ६ का वर्ष २५ का राजु चौधरी घाईते भएका छन । 

उनलाई थप उपचारका लागि टीकापुर अस्पतालले नेपालगञ्ज रिफर गरेको प्रहरीले जानकारी दिएको छ । उनको अवस्था गम्भिर रहेको छ । 

प्रकाशित मिति: मंगलबार, साउन २७, २०८२  १०:३६
प्रतिक्रिया दिनुहोस्
Weather Update