Hamro Patra
विश्व फोटोग्राफी दिवसमा गौशालालाई आर्थिक सहयोग

टीकापुर, भदौ

आज विश्व फोटोग्राफी दिवस । देशभर विभिन्न कार्यक्रम गरी मनाइएको छ । नेपाल फोटोग्राफर्स एशोसियसन कैलालीले समेत विभिन्न कार्यक्रम गरी विश्व फोटोग्राफी दिवस मनाएको छ ।

एशोसियसनको टीकापुर उपसमितिले टीकापुर नगरपालिका वडा नं. २ मा रहेको टीकापुर गौशालाई आर्थिक सहयोग हस्तान्तरण गरेको छ ।

सामुदायिक पशुचौपायाको रेखदेख तथा व्यवस्थापन गर्दै आएको टीकापुर गौशालालाई उपसमितिले नगद १५ हजार रुपैयाँ सहयोग हस्तान्तरण गरेको हो ।

एशोसियनको टीकापुर उपसिमितिका संयोजक महादेव चौधरीको अध्यक्षतामा भएको सहयोग हस्तान्तरण कार्यक्रममा एशोसियनका कैलाली अध्यक्ष टोपप्रकाश वि.क.ले सामुदायिक पशुचौपाया र गाईहरुको सेवाका लागि राहत होस् भनेर सहयोग हस्तान्तरण गरिएको बताए ।

कार्यक्रममा गौशालाका अध्यक्ष उत्तमकुमार शाह, सचिव महेन्द्र गिरी, पंकज शाह लगायतको उपस्थिति रहेको थियो ।

प्रकाशित मिति: मंगलबार, भदौ ३, २०८२  १८:५०
प्रतिक्रिया दिनुहोस्
Weather Update