डडेल्धुरा, भदौ ४
सुदूरपश्चिमको पहाडी जिल्ला आलिताल गाउँपालिका वडा नं. ४ रज्यौडाको दीपक सिजालीलाई एक थान भरुवा बन्दुकसहित मंगलबार साँझ प्रहरीले पक्राउ गरेको छ । 

जिल्ला प्रहरी कार्यालय डडेल्धुराबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो । साथै प्रहरीले सोही ठाउँ बस्ने गगन बोहराको घर तलासी गर्दा भरुवा बन्दुक एक थान फेला पारी बरामद गरेको छ ।

प्रहरीले हाल फरार गगनको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।