दुई लाख रुपैयाँसहित आठ जना जुवाडे पक्राउ
धनगढी, भदौ ५
कैलालीको मध्यवर्ती गौरीगंगा नगरपालिकामा आठ जना जुवाडे पक्राउ परेका छन् ।
पालिकाको वडा नं. ८ मसुरियास्थित टेक मन्नीले सञ्चालन गरेको चाइनिज कर्नर सेन्टरको कोठाभित्र जुवातास खेलिरहेको अवस्थामा आठ जनालाई पक्राउ गरिएको हो ।
गोप्य सूचनाको आधारमा खानतलासी गर्दा जुवातास खेलिरहेको अवस्थामा टेक मन्नीसहित आठ जनालाई २ लाख १३ हजार २ शय ७० नेपाली र ४ हजार ५ शय भारतीय रुपैयाँसहित पक्राउ गरिएको हो ।
जिल्ला प्रहरी कार्यालय कैलाली र इलाका प्रहरी कार्यालय मसुरियाबाट संयुक्त रुपमा खटिएको प्रहरी टोलीले उनीहरुलाई पक्राउ गरेको हो ।
प्रकाशित मिति: बिहीबार, भदौ ५, २०८२ १५:३७
प्रतिक्रिया दिनुहोस्
साताको लोकप्रीय
