हतियारसहित दुई जना पक्राउ
धनगढी, भदौ ६
कैलालीको कैलारी गाउँपालिका वडा नं. ५ बड्का पलियामा हतियार सहित दुई जना पक्राउ परेका छन् ।
सशस्त्र प्रहरीको विओपी छोटकी पलियाबाट खटिएको टोलीको सिमा गस्तीका क्रममा मोटरसाइकलमा आएका दुई जनाको साथबाट एक थान दुई नाले बन्दुक र ४ राउण्ड गोली सहित पक्राउ गरिएको सशस्त्र प्रहरीको ३४ नम्बर गणले जनाएको छ ।
पक्राउ पर्नेमा कैलारी गाउँपालिका वडा नं. ३ बड्का मुडाका ६८ वर्षीय रामभरोसे डगौरा थारु र वडा नं. ५ गोबरैला बस्ने ५७ वर्षीय जगदिश चौधरी पक्राउ गरेका हुन् ।
उनीहरु से १ प ९१८१ नम्बरको मोटरसाइकल र हतियार गोली इलाका प्रहरी कार्यालय हसुलिया बुझाएको छ ।
प्रकाशित मिति: बिहीबार, भदौ ५, २०८२ १५:४८
प्रतिक्रिया दिनुहोस्
साताको लोकप्रीय
