टीकापुर, भदौ ७
‘रक्तदान गरौंः जीवन बचाऔं’ भन्ने नाराका साथ विश्व बन्धुत्व दिवसको अवसरमा टीकापुरमा रक्तदान कार्यक्रम गरिएको छ । ब्रह्मकुमारी ईश्वरीय विश्वविद्यालय, ओम शान्ति भवन टीकापुरको आयोजनामा रक्तदान कार्यक्रम भएको हो । 

नेपाल रेडक्रस सोसाइटी टीकापुर उपशाखा र लायन्स क्लब अफ टीकापुर सिटीको सहकार्यमा भएको रक्तदान कार्यक्रममा २२ पिन्ट रगत संकलन भएको हो । 

कार्यक्रममा रक्तदाताहरुलाई इलाका प्रशासन कार्यालय टीकापुरका प्रमुख उपसचिव कृष्ण थापाले प्रमाणपत्र प्रदान गरेका छन् ।  

ब्रह्मकुमारी ईश्वरीय विश्वविद्यालय टीकापुरकी सञ्चालित सीता दिदीले राजयोगिनी दादी प्रकाशमणिज्यूको १८औं पुण्यस्मृति तथा विश्व भ्रातृत्व दिवसको अवसरमा रक्तदान कार्यक्रम गरिएको बताइन् ।