काठमाडौं, भदौ १०
नेपाली काँग्रेसले राज्यव्यवस्था तथा सुशासन समितिको सभापतिमा ईश्वरी न्यौपानेलाई पठाउने निर्णय गरेको छ । सभापति रामहरि खतिवडाले राजीनामा दिएपछि न्यौपानेलाई जिम्मेवारी दिने तयारी भइरहेको हो ।

संसदीय सुनुवाई समिति सभापति रहेकी न्यौपानेलाई उक्त पदबाट राजीनामा गराएर राज्यव्यवस्था समितिको सभापति बनाउन लागिएको हो ।

सभापति शेरबहादुर देउवा निवास बूढानीलकण्ठमा बसेको शीर्ष पाँच नेताको बैठकले न्यौपानेको नाममा सहमति जुटाएको हो । समिति सभापतिका लागि आज मनोनयन र भोलि मतदानको समय तोकिएको छ ।

समिति सभापतिका लागि दिलेन्द्र बडु, हृदयराम थानी, सरिता प्रसाई, अम्बिका बस्नेतलगायत आकांक्षी थिए ।