टीकापुर, भदौ १३
कैलालीको सुदूरपूर्वी जानकी गाउँपालिकामा स्कुल बसको ठक्करबाट एक मोटरसाइकल चालकको मृत्यु भएको छ ।
जानकी गाउँपालिका वडा नं. ४ रामजानकी मन्दिर नजिक सोही गाउँपालिका वडा नं. ७ मक्रीका ३६ वर्षीय तुल्सीराम चौधरीले चलाएको सुदूरपश्चिम प्रदेश ०१–००१ क २७८६ नम्बरको रेन्बो एकेडेमी स्कुलको बसको ठक्करबाट जोशीपुर गाउँपालिका वडा नं. ५ बनकट्टाका २३ वर्षीय सागर डगौराको मृत्यु भएको हो ।
सागरले चलाएको सुदूरपश्चिम प्रदेश ०१–००८ प ५६२८ नम्बरको मोटरसाइकललाई बसले ठक्कर दिँदा मोटरसाइकल उनी गम्भीर घाइते भएका थिए ।
घाइतेलाई उपचारको लागि सेवा नर्सिङ होम नेपालगञ्ज, बाँके लगिएकोमा बिहीवार नै चिकित्सकले मृत घोषणा गरेको जिल्ला प्रहरी कार्यालय कैलालीले जनाएको छ ।
सोही मोटरसाइकलमा रहेका सोही ठाउँका १४ वर्षीय अनिल चौधरी घाइते भएका छन् । अनिलको टीकापुर अस्पतालमा उपचार भइरहेको प्रहरीले जनाएको छ । बस र चालक इलाका प्रहरी कार्यालय टीकापुरको नियन्त्रणमा रहेको जनाइएको छ ।
