भेनाले बैना गरेको खसी सालोले किन्दा झडपः एकको मृत्यु
बाँके, असोज ४
बाँकेमा खसी किन्ने क्रममा भएको विवादपछि दुई समूहबीच कुटाकुट हुँदा एक जनाको मृत्यु भएको छ ।
नेपालगञ्ज उपमहानगरपालिका वडा नं. ५ का ५२ वर्षीय जाबिद अली बेहनाको झडपमा परी मृत्यु भएको हो । बिहान उनले किन्न बैना गरेको खसी अर्को समूहले उठाएपछि झडप शुरु भएको थियो ।
आपसी ढुंगा प्रहारकै क्रममा घाइते भएका जाबिदलाई अस्पताल पुर्याइएकोमा दिउँसो साढे २ बजे उपचारका क्रममा निधन भएको जिल्ला प्रहरी कार्यालय बाँकेका प्रवक्ता डिएसपी दीपक पातलीले बताए ।
घटनामा संलग्न चार जनालाई नियन्त्रणमा लिएर अनुसन्धान भइरहेको प्रहरीले जनाएको छ । प्रहरीका अनुसार विवाद गर्ने सालो–भेनाको सम्बन्ध रहेका स्थानीयले बताएका छन् ।
प्रकाशित मिति: शनिबार, असोज ४, २०८२ १२:१७
प्रतिक्रिया दिनुहोस्
थप समाचार
साताको लोकप्रीय
