टीकापुर, मंसिर १४
तीनजना युवा व्यवशायीहरुको लगानीमा टीकापुर फ्लेक्स प्रिन्ट सञ्चालनमा आएको छ । टीकापुर उद्योग वाणिज्य संघका अध्यक्ष सन्तोष खड्काले फ्लेक्स प्रिन्टको आज एक समारोहकाबिच उद्घाटन गरेका छन ।
फ्लेक्स प्रिन्टको उद्घाटन गर्दै अध्यक्ष खड्काले लगानीको माहौल छैन भन्नेहरुका लागि युवा व्यवशायीहरुको लगानीले सकारात्मक सन्देश दिएको बताए । उनले टीकापुरमा लगानी भित्रिनु सुखद कुरा भएको बताउँदै सबैले व्यवशायीलाई सहयोग गर्नुपर्ने बताए ।
युवा व्यवशायीहरु गणेश शाही, अनिल कोइराला र बिर्ख बिष्टले टीकापुर नगरपालिका वडा नम्बर १ अस्पताल रोड नजिकै फ्लेक्स प्रिन्ट सञ्चालनमा ल्याएका हुन । सञ्चालक मध्येका बिष्टले फ्लेक्स प्रिन्ट सञ्चालनमा करिव २० लाख रुपैयाँ लगानी भएको बताए । उनले सेवासुविधा थप गर्दै लैजाने योजना रहेको जानकारी दिए ।
उद्घाटन समारोहमा बोल्दै सञ्चालक मध्येका शाहीले आर्थिक पक्षलाई मात्रै ध्यान नदिएर सामाजिक पक्षलाई समेत मजबुत बनाउने उद्देश्य रहेको बताए । उनले आफ्नै ठाउँमा लगानी गरेर रोजगारी सिर्जना गर्नुपर्छ भन्ने उद्देश्य समेत रहेको जानकारी दिए ।
