खैरो हेरोइनसहित तीनजना पक्राउ
टीकापुर, मंसिर २४
कैलालीको सुदूरपूर्वी क्षेत्र टीकापुरबाट खैरो हेरोइनसहित तीन जनालाई प्रहरीले पक्राउ गरेको छ ।
टीकापुर नगरपालिका वडा नं. ९ खक्रौला चेकपोष्ट नजिकबाट टीकापुर नगरपालिका वडा नं. ८ कर्मीडाडाका ३१ वर्षीय प्रविण साउँद र २६ वर्षीय धनबहादुर चौधरी पक्राउ परेका हुन् ।
उनीहरुको साथबाट ८ शय ६० मिलिग्राम खैरो हेरोइनसहित प्रहरी चौकी कालाकुण्डा, कैलालीबाट खटिएको प्रहरी टोलीले नियन्त्रणमा लिएको जनाएको छ ।
यसैगरी टीकापुर नगरपालिका वडा नं. ९ बालुवाटार चोकस्थित सडक खण्डबाट सोही ठाउँका २८ वर्षीय कृष्णबहादुर साउँदलाई ४ ग्राम ५० मिलिग्राम खैरो हेरोइनसहित इलाका प्रहरी कार्यालय टीकापुरबाट खटिएको प्रहरी टोलीले नियन्त्रणमा लिएको हो ।
पक्राउ परेका तीनजना उपर थप अनुसन्धान भइरहेको प्रहरीले जनाएको छ ।
प्रकाशित मिति: बुधबार, मंसिर २४, २०८२ १२:४५
प्रतिक्रिया दिनुहोस्
साताको लोकप्रीय
-1764920882.jpeg)
