टीकापुर, पौष ८

धनगढी उपमहानगरपालिका वडा नम्बर ५ हसनपुरमा हिजो खाल्डोमा पुरिएर एक जनाको मृत्यु भएको छ ।

मृत्यु हुनेमा हसनपुरका ४५ वर्षीय दीपेन्द्र जोशी रहेको जिल्ला प्रहरी कार्यालय कैलालीका प्रहरी नायब उपरीक्षक राजकुमार सिंहले जानकारी दिएका छन । 

उनका अनुसार घरको पर्खाल बनाउन जग खनिरहेको बेला त्यहीँ जोडिएको पुरानो सेफ्टी ट्या‌ङ्कीको खाल्डोमा पर्न गई ढिस्कोले पुरिँदा जोशीको मृत्यु भएको हो ।

अचानक ढिस्कोले पुरिएर घाइते भएका जोशीलाई तुरुन्तै उद्धार गरी अस्पताल पुर्याइएकोमा जोशीको अस्पतालमै मृत्यु भएको सिंहले बताए ।