कञ्चनपुर, चैत २५
प्रायः विवादमा परिरहने कञ्चनपुर कारागारमा कैदीबन्दीबीच फेरि कुटाकुट भएको छ । कैदीबन्दीबीच आपसमा झगडा हुँदा पाँच जना घाइते भएका छन् । 

जिल्ला प्रहरी कार्यालयका प्रहरी निरीक्षक वीरेन्द्र थापाका अनुसार घाइते पाँच जनाको महाकाली प्रादेशिक अस्पतालमा उपचार भइरहेको छ । तीन जनाको टाउकोमा मध्यम र दुई जनालाई सामान्य चोट लागेको प्रहरीले जनाएको छ । 

कैदीबन्दीबीच कुटाकुट भएपछि स्थिति नियन्त्रणमा लिन प्रहरी निरीक्षकको कमाण्डमा प्रहरी टोली परिचालन गरिएको थियो । कुटाकुटको कारण भने खुलेको छैन । 

यसअघि दुई साताअघि पनि कारागारमा कैदीबन्दीमाथि आक्रमण भएको थियो ।