टीकापुर, भदौ १०
टीकापुर उद्योग वाणिज्य संघले बाढीपहिरोका कारण रसुवा लगायतका जिल्लामा भएको धनजनको क्षति प्रति दुःख व्यक्त गरेको छ । 

संघका अध्यक्ष सन्तोष खड्काले आज एक विज्ञप्ती जारी गर्दै बेपत्ताको खोजी, घाईतेको उपचार र घरबारबिहिनहरुको गासबासको व्यवस्था गर्न सरकार समक्ष माग गरेका छन । उनले संस्थाका तर्फबाट विनाशकारी घटनामा भएको क्षतिमा सघाउन प्रतिवद्धता व्यक्त गरेका छन । 

उनले बाढीपहिरोमा ज्यान गमाउने प्रति श्रद्धाञ्जली व्यक्त गर्नुका साथै घाईतेको स्वास्थ्य लाभको कामना गरेका छन । 

नेपालको उत्तरतर्फबाट बग्ने भोटेकोशी, त्रिशुली नदीमा आएको बाढीले रसुवा, नुवाकोट, धादिङमा धेरै र गोरखा, चितवन लगायतका जिल्लामा समेत आंशिक प्रभाव पारेको छ ।