प्रदेशको बजेटमा के के परे टीकापुरमा योजना ?

बजेटमा टीकापुर

परमानन्द पाण्डे मंगलबार, असार ३, २०८२

प्रदेशको बजेटमा के के परे टीकापुरमा योजना ?

टीकापुर, असार ३
सुदूरपश्चिम प्रदेश सरकारले आर्थिक वर्ष २०८२/०८३ का लागि आइतवार सार्वजनिक गरेको बजेट तथा कार्यक्रम ल्याएको छ । आर्थिक मामिला मन्त्रालयले आइतवार सार्वजनिक गरेको बजेट पुस्तिका (रेडबुकमा) समावेश गरिएको बजेट तथा कार्यक्रममा टीकापुर क्षेत्रमा के के योजना परे त ?

बजेटमा टीकापुर विज्ञान विश्वविद्यालय सञ्चालन ५ करोड ५० लाख, डुँडेझारी सडक स्तरोन्नति २ करोड ५० लाख, केशर मार्ग २ करोड ५० लाख, आँखा अस्पतालदेखि सनक्‌टटीको नयाँ पुल जोड्ने बाटो १ करोड ८ लाख, टीकापुर पार्कमा फ्‌लागस्टोन ढुंगा बिछ्याउने काम १ करोड, टीकापुर स्पोर्टस् एकाडेमी सञ्चालन १ करोड बजेट छुट्याइएको छ ।

त्यस्तै टीकापुर विमानस्थल स्तरवृद्धि ७० लाख, मेन्थादेखि बाहिरी चक्रपथ जोड्ने सडक आयोजना ६८ लाख, नयाँ विहानी पुनर्स्थापना केन्द्रदेखि एयरपोर्टसम्मको सडक ६६ लाख, टीकापुर अस्पतालमा इन्टेलिजेन्स इन्सफर खरिद ६५ लाख, टीकापुर अस्पताल इको मेसिन ६० लाख, त्रिभुवन मावि बटनपुर ५५ लाख, स्थानीय तह विशेष पकेट कार्यक्रम भैंसी, टीकापुर ५० लाख, टीकापुर ब्लक ६,७, १५, १६ ब्लक नं. १९ को सडक ५० लाख, बटनपुर खानेपानी आयोजना ५० लाख र टीकापुर बहुमुखी क्याम्पसको भौतिक संरचना ५० लाख परेको छ ।

त्यस्तै टीकापुर अस्पताल पोर्टबेल सि आर्म खरिद ४५ लाख, स्थानीय तह विशेष पकेट क्षेत्र कार्यक्रम केरा टीकापुर ४० लाख, कालिका मन्दिरदेखि टीकापुर बहुमुखी क्याम्पस जाने बाटो ४० लाख, टीकापुर ८ वडा कार्यालयदेखि अर्नुवा जोड्ने सडक ४० लाख, टीकापुर ४ अरबरुवा नालामा कल्भर्ट निर्माण ४० लाख, टीकापुर ४ वनगाउँ जाने बाटो कालोपत्रे ४० लाख, नेपाल रेडक्रस टीकापुर उपशाखाको लागि उपकरण खरिद ४० लाख बजेट परेको छ ।

हामीले यहाँ १० लाख भन्दा माथिका केही योजनाहरु समावेश गरेका छौं ।