टीकापुर, असार २६

जिल्ला प्रशासन कार्यालय कैलाली, आन्तरिक राजस्व कार्यालय धनगढी तथा जिल्ला प्रहरी कार्यालय कैलालीले कैफियत देखिएका धनगढीका दुई व्यापारीबाट ३६ लाख बढी राजश्व असुल गरेको छ । 

प्रशासन, आन्तरिक राजश्व र प्रहरीको संयुक्त टोलीले बिशेष सुचनाको आधारमा धनगढीस्थित आरडेन्ट इन्टरप्राइजेज प्रा.लि. र रिल्याक्सो डम्सवेयर सप्लायर्सबाट ३६ लाख ४२ हजार जरिवाना असुल गरेको हो । 

जिल्ला प्रहरी कार्यालय कैलालीले दिएको जानकारी अनुसार ती फर्महरुमा खानतलासी गरी अनुसन्धान गर्दा कैफियत देखिएकाले आरडेन्टलाई ३२ लाख ३ हजार र रिल्याक्सोलाई  ४ लाख ३९ हजार रुपैयाँ जरिवाना तोकिएको हो ।