टीकापुर, कार्तिक १७

टीकापुर अस्पताल परिसरमा एक पुरुष मृत अवस्थामा फेला परेका छन् ।

आज दिउँसो १२ बजेको समयमा अस्पतालको कम्पाउण्डभित्र रहेको कुसुमको रुखमा नामथर वतन खुल्न नसकेका पुरुष मृत अवस्थामा फेला परेका हुन् ।

इलाका प्रहरी कार्यालय टीकापुरका प्रमुख डिएसपी हेमबहादुर शाहीले हाम्रोपत्रलाई दिएको जानकारी अनुसार अन्दाजी ४०/४५ वर्ष उमेर रहेको भारतीय नागरिक जस्तो देखिने पुरुष मृत अवस्थामा फेला परेको बताए ।

मृतक पुरुषको पहिचान खुल्न नसकेको डिएसपी शाहीले बताए । शाहीका अनुसार उक्त शव टीकापुर अस्पतालको शवगृहमा राखिएको छ । घटना अनुसन्धान भइरहेको शाहीले बताए ।