टीकापुर, माघ ९

कञ्चनपुरमा लागुऔषधसहित एक जना पक्राउ परेका छन् । जिल्लाको पुनर्वास नगरपालिका वडा नम्बर ११ को डोकेबजारबाट १९ वर्षीय सानु अन्सारी पक्राउ परेका हुन् ।

६२ ग्राम लागुऔषधसहित भारतको लखिमपुर खिरी पलिया घर भएका अन्सारी धनगढी उपमहानगरपालिका-१ मा डेरा गरी बस्दै आएका थिए ।

अन्सारीलाई आइतबार राती प्रदेश प्रहरी कार्यालय धनगढी र प्रहरी चौकी परासनबाट खटिएको संयुक्त प्रहरी टोलीले पक्राउ गरेको हो ।

भातरबाट नेपाल आउँदै गरेका उनलाई चेकजाँच गर्नेक्रममा लागुऔषध फेला परेपछि अन्सारीलाई पक्राउ गरेर थप अनुसन्धान भइरहेको प्रहरीले जनाएको छ ।