टीकापुर, माघ २०

कैलालीमा अवैध भरुवा बन्दुकसहित एक जना पक्राउ परेका छन् । जिल्लाको गोदावरी नगरपालिका वडा नं. ६ बाट प्रहरीले भरुवा बन्दुक फेला पारेको हो ।

गोदावरी नगरपालिका लालपुरका ६१ वर्षीय यज्ञराज साउँदले प्लाष्टिकको कट्टाभित्र लुकाई राखेको अवस्थामा भरुवा बन्दुक बरामद गरेको प्रहरीले बताएको छ ।

साउँद गोदावरी नगरपालिका वडा नं. ४ बसन्तपुर जाँदै गरेको अवस्थामा बसन्तपुर सामुदायिक वनबाट अवैध भरुवा बन्दुकसहित पक्राउ परेका हुन् ।

प्रहरी हवलदार अर्जुन चन्दको कमाण्डमा खटिएको प्रहरी टोलीले भरुवा बन्दुकसहित साउँदलाई पक्राउ गरेको कैलाली प्रहरीले बताएको छ । यस विषयमा थप अनुसन्धान भइरहेको बताइएको छ ।