टीकापुर, फागुन २१

कैलालीमा गोदावरी नगरपालिकाको अत्तरियामा किराना पसल सञ्चालन गर्दै आएकी एक महिला लागुऔषधसहित पक्राउ परेकी छन्।

गोदावरी नगरपालिका वडा नं. १ अत्तरियामा तरकारी बजार नजिक किराना पसल सञ्चालन गर्दै आएका ५४ वर्षीया कुसुम भट्ट अवैध लागूऔषधसहित पक्राउ परेकी हुन् ।

उनी ३१ ग्राम लागुऔषधसहित शनिबार साँझ पक्राउ परेकी हुन् । उनले लागूऔषध बिक्री गरेको भन्ने खबर प्राप्त हुनासाथ इलाका प्रहरी कार्यालय मालाखेतीबाट खटिएको प्रहरीले लागुऔषधसहित उनलाई पक्राउ गरिएको बताइएको छ ।