टीकापुर, फागुन २८

कञ्चनपुरमा स्कुटर दुर्घटना हुँदा एक जनाको मृत्यु भएको छ । जिल्लाको भीमदत्त नगरपालिका वडा नं. १० तिल्केनीमा से.६ प २६६४ नम्बरको स्कुटर दुर्घटना हुँदा वडा नं. ४ भगतपुरका आयुष केशीको मृत्यु भएको हो ।

स्कुटर अनियन्त्रित भइ शनिबार राति दुर्घटना भएको प्रहरीले बताएको छ । स्कुटरमा सवार पदम केसीका १४ वर्षीय छोरा आयुषको मृत्यु भएको छ।

दुर्घटनमा गम्भीर घाइते आयुष भारतको भोजिपुरास्थित अस्पतालमा उपचारको क्रममा मृत्यु भएको छ । दुर्घटनामा घाइते भएका मोटरसाइकल चालकको मन्त्र अस्पताल महेन्द्रनगरमा उपचार भइरहेको छ।