नहरमा डुबेर बालकको मृत्यु
प्रकाश कुमार
टीकापुर, साउन १५
कैलालीको मध्यवर्ती बर्दगोरिया गाउँपालिका वडा नं. २ बस्ने एक बालकको नहरमा डुबेर ज्यान गएको छ ।
स्थानीय नरपति कामीका १४ वर्षीय छोरा दिनेश कामीको नहरमा डुबेर मृत्यु भएको हो ।
स्थानीय कुम्भीया तिरुवा नहरमा नुहाउन गएका दिनेशको नहरमा डुबेर मृत्यु भएको जिल्ला प्रहरी कार्यालय कैलालीका प्रवक्ता डीएसपी दक्षकुमार बस्नेतले बताए । मृतकको शव पोष्टमार्टमका लागि टीकापुर अस्पतालमा राखिएको छ ।
कैलालीमा गर्मी बढेसँगै नदी, नाला र कुलाहरुमा बालबालिकाहरु नुहाउने गरेका छन् ।
प्रकाशित मिति: बुधबार, साउन १५, २०७६ १८:०७
प्रतिक्रिया दिनुहोस्
साताको लोकप्रीय
