टीकापुर, असार १४

राष्ट्रिय युवा संघ नेपाल जिल्ला कमिटी कैलालीले विभिन्न कार्यक्रम गरी नेकपा एमालेका पूर्व महासचिव मदन भण्डारीको ७२ औं जन्म जयन्ती मनाएको छ ।

युवा संघले कैलालीका १३ ओटै स्थानीय तहमा जन्म जयन्तीको अवसर पारेर विभिन्न कार्यक्रम गरेको जिल्ला अध्यक्ष लक्ष्मण थापाले जानकारी दिए ।

जिल्ला कमिटीले बर्दगोरियास्थित साहारा घरमा खाद्यान्न तथा फलफूल सहयोग गरेको छ । अध्यक्ष थापाका अनुसार सहारा घरमा चामल २ बोरा, आलु १ बोरा, तरकारी, फलफूललगायतका खाद्यान्न सामग्री साहारा घरका सञ्चालक बलबहादुर विष्टलाई प्रदान गरिएको हो ।

संघले जिल्लाका १३ वटा पालिकामा धान रोपाई, वृक्षारोपण, सरसफाई तथा अस्पतालका विरामीहरुलाई फलफूल वितरण गरेर मनाइएको छ ।

युवा संघको टीकापुर नगर कमिटीले वडा नं. ५ का तेतराम चौधरीको एक विघा खेतमा रोपाई गरेर जन्म जयन्ती मनाएको नगर अध्यक्ष नवराज ठकुल्लाले जानकारी दिए ।