धनगढी, फागुन २०
अघिल्लो सिजनको उपविजेता थ्रीस्टार क्लबलाई १–० ले स्तब्ध पार्दै आयोजक सुदूरपश्चिम–११ स्पोर्टस् क्लबले खप्तड गोल्डकपको उपाधी कब्जा गरेको छ ।

धनगढी रंगशालास्थित घरेलु मैदानमा भएको फाइनल खेलमा मोफसलकै सर्वाधिक धनराशीको नेपाल आइस सुदूरपश्चिम खप्तड गोल्डकप सुदूरपश्चिम–११ ले कब्जा गरेको हो ।

आज भएको फाइनल खेलमा सुदूरपश्चिमको जितमा विक्रम सिंह ठकुरीले एक गोल गर्दै टिमलाई उपाधी दिलाए ।

उपाधिसँगै आयोजक टीमले २१ लाख १ रुपँैयाँ पुरस्कार प्राप्त गरेको छ भने उपविजेतामा चित्त बुझाएको थ्री स्टारले १० लाख १ रुपैयाँ प्राप्त गरेको छ ।

खेलमा पहिलो पटक विजेता बनेकोमा खुशी व्यक्त गर्दै सुदूरपश्चिमका टिम कप्तान गजेन्द्र शाहीले सबै खेलाडीको मेहनतले नतिजा हात लागेको हाम्रोपत्र डटकमलाई बताए ।